Sanitarja gjendet pa shenja jete në ambientet e shkollës 9-vjeçare ku punonte

Pasditen e djeshme, në fshatin Përparim të Elbasanit, në ambientet e shkollës 9-vjeçare, është gjetur pa shenja jete shtetasja L.Z., 62 vjeçe, e cila punonte si sanitare në këtë institucion arsimor.

Sipas informacioneve të shpërndara këtë të martë nga Drejtoria Vendore e Policisë Elbasan, dyshohet se gruaja ka ndërruar jetë për shkaqe natyrale.

Megjithatë autoritetet kanë nisur procedurat hetimore për të sqaruar plotësisht rrethanat e ngjarjes.

Grupi hetimor ka kryer veprimet paraprake në vendngjarje, ndërsa trupi i pajetë është dërguar për ekspertizë mjeko-ligjore, për të përcaktuar shkakun e vdekjes.

LEXONI GJITHASHTU:

• Rrëzohen nga lartësia 2 punëtorë, arrestohen inxhinierët e objektit në Kamëz
• Bie nga lartësia e pallatit në ndërtim, ndërron jetë 58-vjeçari në Tiranë