Sarrazin: Gjermania dëshiron që serbët të kthehen në institucionet e Kosovës

Përfaqësuesi special i qeverisë gjermane për Ballkanin Perëndimor, Manuel Sarrazin ka thënë se kriza aktuale në veri të Kosovës duhet shfrytëzuar për t’u kthyer në dialog, duke theksuar se serbët e Kosovës duhet të kthehen në institucione.

“Institucionet e sigurisë dhe shtetërore duhet të organizohen për njerëzit që jetojnë në veri dhe për këtë është e nevojshme që serbët e Kosovës të kthehen në institucione”, tha Sarrazin në diskutimin virtual “Rruga përpara për nismat e integrimit rajonal në Perëndim. Ballkani”, i organizuar nga Qendra Evropiane e Këshillit Atlantik.

Sarrazin u shpreh se duhet shfrytëzuar propozimi evropian për dialog mes Beogradit dhe Prishtinës.

“Propozimi evropian është një shans për të treguar se në vend që t’i hapim gropat e njëri-tjetrit dhe të biem në to, ne mund të krijojmë diçka pozitive,” theksoi ai.

LEXONI GJITHASHTU

• Barrikadat në veri, NATO dhe BE: Kosova dhe Serbia të ulin tensionet përmes dialogut
• Strategji kundër shqiptarëve, Sunak: Stop paligjshmërisë, oficerë në aeroport
• Grevat paralizojnë Britaninë, punonjësit bojkotojnë punën