Sarandë/ Arrestohet 35-vjeçari që tentoi të fshihte pamjet e aksidentit të punëtorit

Policia e Sarandës ka arrestuar një 35-vjeçar pasi dyshohet se ka tentuar të fshehë DVR-në e pamjeve filmike të kamerave të sigurisë së objektit të tij.

Sipas raportimeve, në objektin e 35-vjeçarit më datë 17.12.2025, dyshohet se gjatë kryerjes së punimeve është aksidentuar shtetasi E. K., 40 vjeç, banues në Sarandë, i cili si pasojë është dëmtuar dhe aktualisht ndodhet në Spitalin e Traumës, nën kujdesin e mjekëve.

“Specialistët për Hetimin e Krimeve në Komisariatin e Policisë Sarandë arrestuan në flagrancë shtetasin R. I., 35 vjeç, banues në Sarandë, pasi ka tentuar të fshehë DVR-në e pamjeve filmike të kamerave të sigurisë së objektit të tij. Në këtë objekt më datë 17.12.2025, dyshohet se gjatë kryerjes së punimeve është aksidentuar shtetasi E. K., 40 vjeç, banues në Sarandë, i cili si pasojë është dëmtuar dhe aktualisht ndodhet në Spitalin e Traumës, nën kujdesin e mjekëve””, thuhet në njoftimin e policisë.

Materialet iu referuan Prokurorisë, për veprime të mëtejshme.

LEXONI GJITHASHTU:

• Si nisi sherri mes të miturve në shkollën jopublike në Sarandë, detajet
• Kërkesa e SPAK për Ballukun, nis mbledhja e Këshillit të Mandateve