“Screenshote të rreme?”- Karamuço: Si ekspertiza zbuloi se letrën e shkroi gjyqtarja

Gjyqtarja e Tiranës, Arnisa Këlliçi, e cila u mor nën hetim nga prokuroria e Tiranës, mbi dyshimet se letrën kërcënuese ndaj saj dhe familjes e kishte shkruar vetë, rrëfeu këtë të shtunë në Revieë dinamikën e ngjarjes.

Këlliçi publikoi dhe disa mesazhe që implikojnë ish-prokurorin Adrian Dyrmishi, si personin që ka kryer kërcënimin.

I ftuar në studio eksperti kriminalistik Ervin Karamuço tha se screenshot-et e mesazhe që gjyqtarja ka nxjerrë dhe më herët në disa media mund të jenë të manipuluara.

Ai tha se personat që ajo përmend, 1 ish-gjytar dhe 1 gjyqtar, kanë mohuar të kenë shkëmbyer ato mesazhe.

Karamuço zbuloi dhe detaje nga ekspertiza e shkrimit që vërtetoi sipas 3 ekspertëve grafik që shkrimi në letrën kërënuese ishte shkruar nga vetë gjyqtarja.

Sipas tij, disa nga shkronjat, si a-ja dhe m-ja janë identike me shkrimin e gjytares.

“Unë vë në dyshim disa prej “screenshot-eve”, se nuk implikohet vetëm ky prokurori, por dhe 1 ish-gjytar dhe gjyqtar që kur kanë parë këto screenshot-e, se janë publikuar diku në media dhe të nesërmen kur është bërë verifikimi i screenshot-eve me çfarë servirnin këta persona është parë që nuk janë të duhurat, janë të manipuluara. Dhe i kanë hequr më menjëherë nga portal dhe është kërkuar falje dhe kjo është çështje që duhet hetuar. Nga ana tjetër Prokuroria e Tiranës ka bërë veprimet e para, në mënyrë profesionale, nga ku ka rezultuar me dy ekspertë të policisë shkencore dhe me një ekspert të pavarur se letra që zonja deklaron se është paraqitur në zyrën e saj nga bandit është shkruar prej saj. Për shkak të disa shkronjave, akti i ekspertimit grafik është 100% i njëjtë. Janë disa shkronja si a-ja dhe m-ja që janë njësoj. Pse bëhet e gjithë kjo, cili është shkaku i gjithë kësaj, çfarë po na fshihet ne, të gjitha këro duhet të marrin përgjigje”, tha ajo.

LEXONI GJITHASHTU:

• Gjyqtarja publikon mesazhet: Kërcënimi i prokurorit dhe roli i ish-gjyqtarit Micko
• “Zarfi kishte 3 palosje, letra asnjë”, ish-prokurori: Ja detaji që zbuloi skenarin