Seanca për Inceneratorin e Elbasanit, Koka dhe Bllako kërkojnë gjykim të shkurtuar

Ka përfunduar seanca paraprake për dosjen e Inceneratorit të Elbasanit. Pasi dëgjoi palët mbrojtëse për 6 orë, trupa gjykuese vendosi që të shprehet në datë 21 shkurt, nëse do të kalojë apo jo për gjykim dosjen. Nga ana tjetër, pala mbrojtëse kërkoi pushimin e akuzave për të dyshuarit.

Lefter Koka dhe Alqi Bllako kanë kërkuar gjykim të shkurtuar. Nëpërmjet avokatëve të tyre dy ish funksionarët e lartë të akuzuar për korrupsion e shpërdorim detyre kanë kërkuar të gjykim të shkurtuar.

Gjithashtu, edhe të pandehurit e tjerë kanë paraqitur të njëjtën kërkesë përpara GJKKO-së, e vetmja që ka kërkuar të gjykohet me gjykim të zakonshëm është Etleva Kondi.

Nëse togat e zeza të së Posaçmes kalojnë dosjen për gjykim do vendoset nëse do pranohet apo jo kërkesa e tyre për t’u gjykuar me gjykim të shkurtuar, që nëse ndodh ish-zyrtarët përfitojnë 1/3 e uljes së dënimit po u gjetën fajtorë.

LEXONI GJITHASHTU:

• Dështon për të dytën herë seanca paraprake për inceneratorin e Elbasanit
• Informacion nga SPAK për fazën e hetimeve për inceneratorët? Përgjigjet Kryemadhi