Sefa: Vendimi i KAS i drejtë, PD të fillojë punën për fushatën zgjedhore

Avokati i Partisë Demokratike, Indrit Sefa tha se vendimi i KAS për regjistrimin e PD-së në zgjedhje ishte i drejtë.

Sefa theksoi se tashmë është koha që PD të filloj punën për fushatën zgjedhore dhe për të ndjekur hapat procedurial për të zgjedhur kandidatët për këshillat bashkiakë.

“Ndoqëm të gjithë rrugën institucionale që përcakton kodi dhe ligji. Vendimarrja e KAS është e drejt dhe e ligjshme. Dëmi i shkaktuar nga ana e komisionerit  me vendimet e tij politike që ka vonuar mbi 10 ditë regjistrimin e PD-së, duke djegur dhe afatet ligjore për bërjen e koalicioneve të ndryshme, ishte një vendimarrje e cila siç rezultoi dhe sot ishte e pambështetur në ligj.

Detyra e komisionerit është të jetë i pavarur dhe të zbatojë dispozitat e kodit zgjedhor.  Ky është një moment për PD që të filloj punën për fushatën zgjedhore që është dhe për të ndjekur të gjithë hapat procedurial për të vazhduar me shpalljen e kandidatëve të këshillave bashkiakë.”- tha ai.

LEXONI GJITHASHTU: 

• Vuçiç: Jam gati për kompromis me Kurtin, kemi secili vija të kuqe
• Këshilli i Integrimit| Xhaçka: BE është zgjedhja jonë strategjike dhe ndërbreznore