“67% e kompanive shqiptare nuk deklaruan pagën reale të punonjësve të tyre në janar të vitit 2020”.
Kështu deklaroi gazetari Bardhi Sejdarasi për emisionin “Sot” në “Euronews Albania”.
“Në 20 janar të këtij viti, ishte afati i fundit që kompanitë shqiptare duhet të deklaronin mbas letrave që iu dërguan nga tatimet. Në 100 kompani, 67 nuk deklaruan pagën reale”, tha ai.
Sipas Sejdarasit, për shkak të kësaj shifre të lartë, Ministria e Financave dhe qeveria u detyruan që të ngrejnë një Task Force për të kontrolluar deklarimin e të ardhurave.
“67% e totalit nuk deklaruan pagën reale dhe u detyrua Ministria e Financave dhe qeveria që të fillonte këtë njësinë që raportoi sot, Task Forcën, e cila bën verifikimin në çdo kompani, shohin sa njerëz janë në punë dhe si paguhen”, u shpreh Sejdarasi.
LEXONI GJITHASHTU