Sekretari i Përgjithshëm i OKB: Situata në Lindjen e Masme është në prag të luftës

Sekretari i Përgjithshëm i OKB-së, Antonio Guterres, ka paralajmëruar anëtarët që të mos përshkallëzojnë më tej tensionet me hakmarrje kundër Iranit, duke thënë se Lindja e Mesme tashmë është “në prag” të luftës.

Sipas mediave të huaja, duke folur në Këshillin e Sigurimit të dielën mbrëma, ai tha: “Populli i rajonit po përballet me një rrezik real të një konflikti shkatërrues në shkallë të plotë. Tani është koha për të qetësuar dhe de-përshkallëzuar situatën. As rajoni dhe as bota nuk mund të përballojnë më shumë luftë”.

Në të njëjtin takim, i dërguari i Izraelit në OKB i kërkoi Këshillit të Sigurimit të vendosë “të gjitha sanksionet e mundshme” kundër Iranit pas sulmeve të paprecedentë të ditës së djeshme.

Më shumë se 300 dronë dhe raketa u gjuajtën në Izrael gjatë natës të shtunën, për të cilën Irani tha se ishte në përgjigje të një sulmi të 1 prillit në konsullatën e tij në Siri. Pothuajse të gjithë dronët e raketat u qëlluan para se të arrinin objektivat e tyre.

“Sot këshilli duhet të ndërmarrë veprime dhe të dënojë Iranin për terrorin e tij,” tha ambasadori i Izraelit Gilan Erdan në takim.

Tani për tani, të gjithë sytë janë te Izraeli, pasi ai peshon përgjigjet e mundshme ndaj sulmit.

LEXONI GJITHASHTU:

• Sulmi i Iranit| Lerry Luxner zbulon nëse Izraeli do kundërpërgjigjet ose jo
• Ministri Gantz: Izraeli do ta caktojë çmimin e sulmit të Iranit në kohën e duhur