Sekretari i Përgjithshëm i PS e cilëson më pozitivin në 30 vite raportin e OSBE/ODIHR

Sekretari i Përgjithshëm i Partisë Socialiste, Taulant Balla thotë se Shqipëria ka marrë raportin më pozitiv në 30 vite duke iu referuar raportit përfundimtar të OSBE/ODIHR për zgjedhjet parlamentare të 25 prillit.

Z. Balla thotë se OSBE/ODIHR konfirmon se zgjedhjet ishin shprehje kuptimplotë e demokracisë dhe e respektimit të lirisë së zgjedhësve.

“Shqipëria merr raportin më të mirë për zgjedhjet në këto 30 vite dhe kjo është një meritë e madhe, mbi të gjithë, e qytetarëve shqiptarë, të cilët ushtruan në shumicë të drejtën e tyre të votës në zgjedhjet parlamentare të 25 Prillit”, shprehet Sekretari i Përgjithshëm i PS.

Gjithashtu ai nënvizon edhe vlerësimin që OSBE/ODIHR i bën në raport rolit të Komisionit Qendror të Zgjedhjeve.

LEXONI GJITHASHTU:

• Raporti përfundimtar i OSBE/ODIHR për 25 prillin: PS u avantazhua në zgjedhje
• Basha: Raporti i OSBE/ODIHR konfirmon masakrën zgjedhore