Kryeministri Edi Rama mori pjesë këtë të premte në ceremoninë e hapjes së vitit të ri akademik në Kolegjin e Evropës. Gjatë fjalës së tij, Rama theksoi rëndësinë europiane për vendin tonë.
Ai e krahasoi Europën jo si një territor gjeografik, por si një zgjedhje dhe një mundësi për bashkëpunim, duke kundërshtuar përplasjet.
“Shqipëria është një vend shumë i rrallë në Europën e sotme kur ëndrra europiane është ende e freskët, urgjente, emocionale, e pa marrë për të mirëqenë, e pa katandisur.
Besimi për Europën është në një nivel kaq të lartë saqë edhe një veteran i vjetër i BE-së nuk bën dot gjë përpos së të skuqet si një adoleshent i dashuruar. Europa nuk është gjeografi, është një zgjedhje, nuk është një vend , është vendimi për të zgedhur bashkëpunimin përkundrejt përplasjes”, tha Rama.
Më tej ai përmendi sekretaren britanike e cila së fundmi njoftoi publikisht dëbimin nga vendi të rreth 700 familje shqiptare që jetojnë në strehime, pas refuzimit të kërkesave të tyre për azil.
“Më lini t’iu përmend një shembull. Pak ditë më parë Sekretarja e Brendshme e Mbretërisë së Bashkuar përmendi për rreth 700 familje shqiptare që jetojnë në strehime të financuara nga paratë e tatimpaguesve pas refuzimeve të aplikimeve të tyre për azil
700 familje në një vend prej 67 mln banorësh, një përshpërimë statistikore e fryrë në një sirenë politike.
Pse po e përmend, jo për tu ankuar, apo ngatërruar BE me të divorcuarën kaq të hedhur. Kur një ministër europian edhe pas Brexit që mund edhe ta kuptojmë, se ka traumë, zgjedh të bashkojë një bashkësi të vogël për të fituar pikë politike. Frika flet më shumë se faktet. Ende vijon të gjejë një audiencë”, theksoi kryeministri Edi Rama.
