Policia në Zveçan ka gjetur dhe sekuestruar granata, armatim, municion dhe uniformë ushtarake te cilat dyshohet se ndërlidhet me sulmin në Banjskë.
Zëvendësdrejtori i Policisë në veri, Veton Elshani ka folur lidhur me konfiskimin e armatimit nga ana e policisë në Zveçan të vendit gjatë ditës së djeshme.
Elshani ka thënë se aktualisht nuk mund të flasin për identitetin e personit të cilit i është gjetur armatimi, meqë ai është me interes për policinë për sulmin e Banjskës.
“Konsiderojmë se këto armë të cilat janë gjetur këtu lidhen me këtë person”, ka thënë ai pa dhënë detaje se a janë gjetur ato në pronat e tij apo në vendet ku ka operuar personi i dyshuar.
Ai ka folur rreth aksionit dhe gjetjes së armatimit.
“Kemi pranuar informacion të saktë se ku gjinden se ato i kemi gjet ndër dhe të groposura”, ka thënë zëvendësdrejtori i Policisë.
“Të gjitha këto pajisje janë konfiskuar dhe janë sjellë në stacion të policisë”, ka shtuar më tej ai.
Elshani ka thënë se nuk është hera e parë që policia ka gjetur armë në veri të fshehura nën dhe, ndaj sa herë që kanë informacion policia ndërhyn.
Ai ka shtuar se situata e sigurisë në veri të vendit paraqitet e qetë duke shtuar se nuk ka zonë që Policia e Kosovës nuk ndërhyn.
LEXONI GJITHASHTU:
- Aktakuzë ndaj një personi për dhunën kundër KFOR-it në Zveçan
- Policia e Kosovës arreston një të dyshuar për dhunën ndaj trupave të KFOR në Zveçan
