Separatistët pro-rusë i mëshojnë dënimit me vdekje për tre luftëtarë të huaj

Një udhëheqës separatist pro-rus në lindje të Ukrainës tha se nuk do të ndryshonte dënimet me vdekje për dy britanikët dhe një maroken që u zunë robër duke luftuar krah forcave ukrainase.

“Ata erdhën në Ukrainë për të vrarë civilë për para. Kjo është arsyeja pse unë nuk shoh asnjë kusht për ndonjë zbutje apo modifikim të dënimit”, tha Denis Pushilin, udhëheqësi i rajonit separatist Donetsk, të dielën.

Pushilin tha se gjykata “ka dhënë një dënim krejtësisht të drejtë” për tre luftëtarët e huaj.

Ai akuzoi kryeministrin britanik Boris Johnson se ka injoruar fatin e tyre dhe se nuk ka kontaktuar me autoritetet separatiste.

Të shtunën, zëdhënësi i kryeministrit britanik tha se ai ishte “i tmerruar” nga dënimet me vdekje të shqiptuara ndaj britanikëve Aiden Aslin dhe Shaun Pinner dhe marokenit Brahim Saadun.

Sipas familjeve të Aslin dhe Pinner, dy burrat kanë jetuar në Ukrainë që nga viti 2018.

Të premten, Kombet e Bashkuara shprehën shqetësimin për dënimet me vdekje kundër të burgosurve nga rebelët pro-rusë.

LEXONI GJITHASHTU:

• Biden: Zelenski nuk i dëgjoi paralajmërimet për pushtimin e Ukrainës