1 vit e 6 muaj pasi në fshatin Rërëz të Beratit, u zbuluan 4 sera të përshtatura për kultivim masiv kanabisi, SPAK ka arritur të identifikojë organizatorët dhe financuesit.
Gjatë operacionit në tetor të 2022-isht u ndaluan edhe 95 gra që punonin për rritjen e bimës narkotike, korrjen, tharjen dhe paketimin e saj.
Sipas prokurorisë së posaçme nga 9 urdhër arreste që janë lëshuar, 6 janë ekzekutuar ndërsa 3 të therë janë shpallur në kërkim.
Të arrestuar janë: Sadetin Hasaj, Lulëzim Bushataj, Mustaf Manej, Suad Smakaj, Arben Vrapi dhe Adiol Çifliku.
Na hetimet e SPAK ka rezultuar se disa persona nga Malësia e Madhe dhe të tjerë nga Kuçova e Berati kanë vepruar si në grup të strukturuar kriminal për marrjen me qira të serave, ngritjen e infrastrukturës për kultivimin e bimëve narkotike duke rekrutuar si krah pune, persona të gjinisë femërore nga qyteti e rrethinat.
Gjatë zbulimit të serave ndaj disa prej zyrtarëve lokalë policorë u morën masa disiplinore si largim nga detyra apo shtyrje e afatit të gradimit për shkak se nuk zbuluan aktivitetin kriminal.
Njoftimi i SPAK
Me vendimin Nr.41, datë 22.04.2024, Gjykata e Posaçme e Shkallës së Parë për Korrupsionin dhe Krimin e Organizuar, ka vendosur caktimin e masës së sigurimit personal “arrest në burg”, të parashikuar nga neni 238 i Kodit të Procedurës Penale, ndaj 9 (nëntë) personave nën hetim.
Në datën 24.04.2024, hetues të Byrosë Kombëtare të Hetimit, në bashkëveprim me oficerë të policisë gjyqësore në Drejtorinë e Përgjithshme të Policisë së Shtetit, ekzekutuan masat e sigurimit personal “arrest në burg” ndaj 6 (gjashtë) personave nën hetim, konkretisht:
– S.H. banues në Koplik, Malësi e Madhe;
– A.V. banues në Drenovicë, Berat;
– M.M. banues në Gruemirë, Malësi e Madhe;
– L.B. banues në Demiraj, Malësi e Madhe;
– S.S. banues në Demiraj, Malësi e Madhe;
– A.Ç. banues në Vodëz, Kuçovë, Berat,
Ndërkohë është bërë shpallja në kërkim për 3 (tre) persona të tjerë, ku gjatë kontrolleve nuk është bërë e mundur gjetja e tyre dhe ekzekutimi i vendimit të gjykatës për caktimin e masës së sigurimit personal “arrest në burg”.
LEXONI GJITHASHTU:
