Pas largimit të përfaqësuesve serbë nga institucionet e Republikës së Kosovës, Presidenti Aleksandër Vuçiç ka zhvilluar një bisedë telefonike me ambasadorin amerikan në Beograd, Christopher Hill.

Ka qenë vetë Vuçiç, i cili e ka bërë me dije lajmin, ku përmes një postim në ‘Instagram’ shkruan thotë se Serbia është përkushtuar për ruajtjen e paqes dhe zbatimin e plotë të të gjitha marrëveshjeve të nënshkruara me Kosovën.

“Në një bisedë të gjatë dhe kuptimplote telefonike me ambasadorin Hill, ritheksova se Serbia mbetet e përkushtuar për ruajtjen e paqes, respektimin e së drejtës publike ndërkombëtare dhe zbatimin e plotë të të gjitha marrëveshjeve të nënshkruara. Gjithashtu theksova tmerrin e serbëve me sjelljen e Kosovës dhe lëvizjet e njëanshme të Prishtinës, të cilat e vënë në pikëpyetje sigurinë dhe stabilitetin e tyre në të gjithë rajonin” – shkruan Vuçiç.

Ndërkohë nga ana tjetër, ambasadori Hill  thotë se ka kërkuar nga presidenti Vuçiç që Serbia të sillet me përgjegjësi dhe të mos marrë pjesë në asnjë mënyrë në rrezikimin e paqes dhe stabilitetit rajonal

Lista serbe ka bërë sot të ditur se kanë vendosur që të largohen nga të gjitha institucionet politike në Kosovë.

LEXONI GJITHASHTU: 

• Serbët largohen nga institucionet e Kosovës, Kurti: Beogradi po bëhet vegël e Rusisë
• Serbët vendosin të largohen nga institucionet e Kosovës