Serbët nuk tërhiqen nga barrikadat, Rakiç: Kërkojmë garanci vetëm nga Vuçiç 

Kryetari i Listës Serbe, Goran Rakiç, pas bisedës me presidentin e Serbisë, Aleksandër Vuçiç, ka thënë se serbët refuzojnë të tërhiqen nga barrikadat, edhe “pse presidenti Vuçiç mendon se do të ishte mirë”.

“Sapo i kemi përfunduar bisedimet me presidentin Vuçic, tani do të flasim me njerëzit tanë në Kosovë. Morëm lajme të rëndësishme për lirimin e Pantiçit, Nedeljkovicit dhe të arrestuarve të tjerë, arritëm të lexojmë garancitë e Bashkimit Evropian se nuk do të ketë arrestime për pjesëmarrje në barrikada, si dhe garancinë e KFOR-it që  Forcat e Sigurisë së Kosovës nuk do të vijnë në veri pa pëlqimin tonë”, tha Rakiç.

Sipas Rakiç, serbët e Kosovës nuk u besojnë institucioneve të Kosovës prandaj po refuzojnë heqjen e barrikadave.

Sipas tij serbët e Kosovës i besojnë vetëm presidentit të Serbisë, Aleksandër Vuçiç.

LEXONI GJITHASHTU:

• Vuçeviç: Serbët në Veri s’duhet të frikësohen, jemi të gatshëm për marrëveshje
• KFOR reagon për tensionet në Veri: Zgjidhja duhet përmes dialogut