Serbia e ndaloi, 20 ambasada të vendeve perëndimore mbështetën Europride

Njëzet ambasada të vendeve perëndimore kanë shprehur mbështetjen e tyre të plotë për anëtarët e komunitetit LGBTIQ+ dhe shpresojnë, siç thonë ata, për një zgjidhje që do të mundësojë një paradë paqësore, ligjore dhe të sigurt.

Siç njoftohet në llogarinë në Twitter të ambasadës holandeze, 20 ambasada kanë nënshkruar mbështetjen e tyre për pjesëmarrësit e Paradës së Krenarisë, shkruan Euronews Serbia.

“Serbia ka ndërmarrë hapa të rëndësishëm drejt forcimit të barazisë së komunitetit LGBTIQ+ dhe të drejtave të tyre, lirisë së shprehjes, tubimeve paqësore dhe mbrojtjes nga dhuna. Pritja e Europride në Beograd është një ditë për të festuar dhe kuptuar një përparim të tillë”, thuhet në deklaratë.

Ambasadat e Australisë, Austrisë, Belgjikës, Kanadasë, Kroacisë, Republikës Çeke, Danimarkës, Finlandës, Francës, Gjermanisë, Irlandës, Italisë, Japonisë, Holandës, Norvegjisë, Portugalisë, Sllovenisë, Spanjës, Zvicrës, Ukrainës, Britanisë së Madhe dhe SHBA janë nënshkruesit e mbështetjes për Europride.

LEXONI GJITHASHTU:

• Presion Vuçiç për Europride, aktivistët: Do të dalim në shesh, reagon Kisha
• ‘Presim sqarime nga Serbia’, BE-ja shpreh keqardhje për anulimin e ‘EuroPride’