Trajneri i Kombëtares së Serbisë, Dragan Stojkoviç, ka shpallur listën përfundimtare të 25 futbollistëve që do të jenë pjesë e skuadrës serbe për dy ndeshjet e qershorit për kualifikueset e Kupës së Botës në vitin 2026.

Sfida e parë për Serbinë është ajo ndaj Shqipërisë më 7 qershor në Tiranë, ndërsa tri ditë më pas, më 10 qershor, Serbia do të presin Andorrën në qytetin e Leskovacit.

Në listën e publikuar ka një përzierje të lojtarëve me përvojë ndërkombëtare dhe emrave të rinj që aktivizohen në kampionate të ndryshme të Evropës dhe më gjerë. Stojkoviç ka lënë jashtë disa emra të njohur si Ivan Iliç (Torino), Mirko Topiç (Famalicao), Petar Stanić (TSC) dhe Milutin Vidosavljević (Radnički Kragujevac), për të hapur rrugë kombinimeve të tjera taktike.

Lista e plotë e futbollistëve të ftuar nga trajneri Stojkoviq:

Portierë:

• Predrag Rajkoviç (Al Ittihad)
• Gjorgje Petroviq (Strasbourg)
• Aleksandar Jovanoviç (Partizani i Beogradit)
• Dragan Rosiç (Vojvodina)

Mbrojtës:

• Nikola Milenkoviç (Nottingham Forest)
• Strahinja Pavloviç (Milan)
• Strahinja Erakoviç (Zenit)
• Srđan Babiç (Spartaku i Moskës)
• Nemanja Stojiç (Maccabi Tel Aviv)
• Jan Karlo Simiç (Anderlecht)
• Kosta Nedeljkoviç (Leipzig)

Mesfushorë:

• Saša Lukiç (Fulham)
• Nemanja Gudelj (Sevilla)
• Nemanja Maksimoviç (Panathinaikos)
• Andrija Živkoviç (PAOK)
• Lazar Samardžiç (Atalanta)
• Aleksandar Katai (Crvena Zvezda)
• Uroš Raçiç (Braga)
• Stefan Mitroç

Sulmues:

• Aleksandar Mitroviç (Al Hilal)
• Dušan Vlahoviç (Juventus)
• Luka Joviç (Milan)
• Nikola Štuliç (Charleroi)

LEXONI GJITHASHTU:

• Silvinjo publikon listën e lojtarëve të thirrur për ndeshjen ndaj Serbisë
• “Sylvinho është shqiptarizuar”, Artan Hoxha tregon pse nuk aktivizohet Ernest Muçi