Raportuesi i Parlamentit Europian (PE) për dialogun me Moskën dhe ish-kryeministri i Lituanisë, Andrius Kubilius deklaroi se Serbia duhet të bëjë një zgjedhje në politikën e saj të jashtme.

Sipas tij, Serbia ka dy zgjedhje, ose të vazhdojë marrëdhëniet me presidentin rus Vladimir Putin, ose të afrohet me Bashkimin Europian.

“Ose të vazhdojë marrëdhëniet e saj me regjimin e Putinit, të cilin shumë e quajnë fashist, ose Serbia të lëvizë në drejtimin e politikës së Bashkimit Europian, që të mbështetet Ukraina, që të kundërshtohet regjimi i presidentit ruse dhe për të parë mundësinë e një Rusie tjetër pas tij”, tha Kubilius për median serbe, N1.

Kubilius ka theksuar se vendet që duan të anëtarësohen në Bashkimin Europian, përfshirë Serbinë, duhet t’iu bashkohen politikave europiane.

LEXONI GJITHASHTU

• Vuçiç pas takimit me Scholz: Kërkoi që Serbia të vendosë sanksione ndaj Rusisë
• Serbia synon anëtarësimin në BE, Scholz: Të respektojë sanksionet ndaj Rusisë