Seuli: Koreja e Veriut ka dërguar 5 mijë trupa në Rusi që nga shtatori

Ligjvënësi i Koresë së Jugut, Lee Song-kwan këtë të martë ka deklaruar se rreth 5,000 ushtarë të Koresë së Veriut janë dërguar në Rusi që nga shtatori për të marrë pjesë në rindërtimin e infrastrukturës.

Sipas inteligjencës së Koresë së Jugut, rreth 10,000 ushtarë të Koresë së Veriut janë aktualisht të vendosur pranë kufirit ruso-ukrainas. Koreja e Veriut po merr pjesë aktive në luftën në Ukrainë, duke dërguar mijëra ushtarë për të sprapsur forcat ukrainase që ishin vendosur në një pjesë të vogël të kufirit rus të provincës Kursk, nga fundi i vitit 2024 deri në pranverën e vitit 2025.

Rreth 600 ushtarë të Koresë së Veriut u vranë dhe mijëra të tjerë u plagosën në këto beteja. Ekspertët thonë se Koreja e Veriut merr ndihmë të konsiderueshme ekonomike, teknologji ushtarake, si dhe ndihmë ushqimore dhe energjetike nga Moska.

Ndihma është mirëpritur nga Pheniani për të anashkaluar sanksionet ndërkombëtare të vendosura ndaj saj për shkak të programeve të saj bërthamore dhe raketore.

LEXONI GJITHASHTU:

• Britania e Madhe projektligj për ndalimin e protestave jashtë shtëpive të zyrtarëve
• Inceneratori i Tiranës/ GJKKO shpall vendimin për Alqi Bllakon: Dënohet 4 vite burg