Sevilla pengesa për kreun, Hoffenheim sfidon Dortmundin në Bundesligë

Barcelona dhe Sevilla përballen mbrëmjen e së premtes në Estadio Olimpiko, me katalanasit të cilët në rast fitoreje do të riktheheshin sërish në krye të tabelës së klasifikimit. Të besuarit e Xavit kanë lënë pas atë barazim ndaj Mallorcas, i cili përkeqësoi disi situatën sa i përket pozicionit në tabelë, por distanca nga vendi i parë është vetëm 2 pikë.

Në anën tjetër, Sevilla vjen pas një fitoreje me rezultatin 5-1 ndaj Almerias, ndërsa në rast fitoreje ngjitet me 5 pozicione në tabelë. Dy sfidat direkte të zhvilluara në sezonin e kaluar u mbyllën me fitoret e blaugranëve 3-0 dhe 0-3.

Bundesliga gjermane rikthehet me një sfidë të jashtëzakonshme këtë të premte, aty ku Hoffenheim dhe Dortmund përballen për kreun e tabelës. Të dyja skuadrat kanë një ecuri shumë të mirë, me verdhezinjtë që në 5 përballje kanë 3 fitore dhe 2 barazime, ndërsa në anën tjetër, Hoffenheim ka mundur të grumbullojë 12 pikë.

Në rast fitoreje secila prej skuadrave ka mundësinë të marrë përkohësisht kreun e tabelës, kjo për faktin se Bayerni kryesues luan të shtunën ndaj Leipzig në transfertë.

LEXONI GJITHASHTU:

• Granit Xhaka firmos në Bundesligë, Di Maria rikthehet ‘në shtëpi’
• ​Bellingham lojtari i sezonit në Bundesligë