Granit Xhaka firmos në Bundesligë, Di Maria rikthehet ‘në shtëpi’

Pas një rrugëtimi të jashtëzkonshëm në disa nga skuadrat më të njohura të Evropës, Angel Di Maria ka vendosur të rikthehet në shtëpi. Në moshën 35-vjecare, sulmuesi argjentinas ka zgjedhur të bëhet pjesë e Benfikës, edhe pse kishte oferta nga Arabia Saudite e skaudra të tjera evropiane. Detajet e kontratës nuk bëhen të ditura, por një arsye e fortë për tu rikthyer është se Di Maria e njeh mjaft mirë atmosferën, duke qenë se në vitin 2007 ishte pjesë e “Shqiponjave”.

Një tjetër rikthim në këtë merkato ishte ai i Granit Xhakës, që do të jetë pjesë e kampionatit gjerman. Mesfushori gjerman prej disa muajsh ishte në bisedime me Bayer Leverkusen e duket se është bindur që ta vijojë karrierën atje ku ka firmosur për 5 vite. Kujtojmë se në garë ishin dhe rekordmenët e Bayern Munchen.

Merkatoja e rikthimeve nuk ka përfunduar ende, sepse një vendim të tillë e mori dhe Cesar Azpilicueta, plot 11 vite pasi iu bashkua Chelseas. Spanjolli vendosi të largohet drejt La Ligas, ndërsa është lojtari më i ri i Atletico Madrid, ku mbërriti si lojtar i lirë. Azpilicueta e nisi karrierën tek Osasuna, duke qenë një lojtar i akademisë, më pas kaloi në Marsejë, e së fundmi ishte pjesë e bluve të Londrës ku numëron 349 paraqitje.

LEXONI GJITHASHTU:

• Mbrojtësi shqiptar firmos në Premier League, Zabeli zyrtarizohet tek Brentford
• Sezoni i ri i Serisë A, Derbi i Madoninës luhet më 17 shtator