Sezoni i ri i Serisë A, Derbi i Madoninës luhet më 17 shtator

Më 20 gusht do të nisë sezoni i ri futbollistik në Itali, i cili premton spektakël, ashtu siç ndodhi në atë që lamë pas.

Pak orë më parë janë publikuar dhe datat e disa prej përballjeve më interesante, mes tyre derbi i Madoninës, ai i Romës apo dhe Juventus-Torino.

Sa i përket kampionëve në fuqi, Napoli e nis rrugëtimin në përballjen me Frosinonen, ndërsa edhe për ekipet e tjera pretendente java e para nuk parashikon problem. Për të gjithë tifozët e Interit e ata të Milanit, përballja e parë direkte do të jetë më 17 shtator, e cila përkon me javën e 4 në kampionat, ndërsa ai i Torinos në më 8 tetor.

Një risi është mungesa e pushimeve, pra skuadrat nuk do të kenë mundësi të marrin veten gjatë pushimeve të fundvitit, për shkak se kalendari nuk e lejon dicka të tillë, ndërsa pritet të jetë i ngjeshur. Ndërkohë pritet të ketë dhe 4 ndalesa, ditë në të cilat luhen ndeshjet e kombëtareve, ndërsa nuk përjashtohen sfidat e mesjavës. Sezoni i ri do të përfundojë më 26 maj 2024.

LEXONI GJITHASHTU:

• Mbrojtësi shqiptar firmos në Premier League, Zabeli zyrtarizohet tek Brentford
• Shtyhet ndeshja e Seria A, zjarr në ambientet e stadiumit