Kryeministri Edi Rama, zhvilloi një vizite në Zall Herr për të prezantuar arritjet në fushën e mbrojtjes. Gjatë fjalës së tij, ai theksoi se Shqipëria ka kaluar një periudhë të vështirë dhe të harresës për Forcat e Armatosura.

Kryeminisri shtoi se ushtria shqiptare është ndër më të paguarat në rajon, me një pagë mesatare prej 1550 euro, duke shtuar se kjo nuk është paga e fundit dhe se ka ende mundësi për rritje të mëtejshme.

“Shqipëria ra në humnerë dhe më pas kishte braktisje shumë të gjatë të fushës së mbrojtjes. Shteti ia ktheu kurrizin Forcave të Armatosura. Ne kemi 10-fishuar investimet në fushën e mbrojtjes. Dikur investohej për gjithë ushtrinë aq sa sot investojmë vetëm për Mbrojtjen Civile. Sot kemi një Forcë të Armatosur të Republikës së Shqipërisë, drejt së cilës të rinjtë po hedhin sytë. Rekrutimet janë 5-fishuar. Në rajon, kemi ushtrinë më të paguar. Jemi sot në pagë mesatare 1550 euro dhe nuk është stacioni ynë i fundit. Do kemi një ushtri të paguar, aq sa mesatarja e vendeve të NATO-s. Ushtria do ketë pajisje të avancuar të kohës. Shumë rekrutë do kenë akses në kredi të butë”, tha Rama.

LEXONI GJITHASHTU:

• Rama: Do të jemi vend eksportues i prodhimeve ushtarake brenda kësaj dekade
• Shehaj propozon adoptimin e euros, në ndihmë të bizneseve eksportuese