Shabani: Sulmi ndaj Berishës mund të jenë organizuar nga jashtë

Endri Shabani, kryetar i nismës ‘Thurje’ thotë se nga sulmi ndaj Sali Berishës nuk përfitoi as ai dhe as Edi Rama.

Në një intervistë për Euronews Albania, Shabani u shpreh se ekziston mundësia që sulmi të jetë organizuar nga një agjenturë e huaj që edhe mund të ketë pasur përfitimet e veta nga ky moment.

“Në bindjen time, mundësia që të ketë qenë e paorganizuar është shumë i vogël. Nuk do ta përjashtoja mundësinë që të ketë një ndërhyrje të huaj. Ai sulm mori vëmendje ndërkombëtare, ndërkohë që nuk më duket se përfitoi Rama nga kjo gjë. Agjentura të huaja aktorë të tjerë mund të kenë përfituar nga kjo. Ai që përfitoi me shumë gjasë do e ketë organizuar. Nuk më duket se ka fituar nga kjo as Rama as Berisha. Një palë e huaj mund të ketë përfituar nga kjo. Çdo gjë mund të kishte ndodhur në atë moment”, tha Shabani.

LEXONI GJITHASHTU:

• Dalin videot, agresori i Berishës kundër sistemit, patronazhistëve e policisë
• “Ishte i pambrojtur”, ish-truproja e Nanos tregon ku gabuan njerëzit e Berishës