Shantazh me dosje, Andi Bushati: Me dyshim që Berisha nxjerr këtë tezë tani për Bashën

Analisti politik Andi Bushati nuk beson se çështja e spekuluar së fundmi kinse Basha është shantazhuar me dosjen e lobimit në SHBA për të përjashtuar Berishën, të jetë nxjerrë nga ky i fundit.

Duke komentuar deklaratat e fundit mes raporteve Berisha-Basha, Bushati tha në emisionin “Shock” në Euronews Albania se ka disa ditë që në mjediset mediatike rreth Sali Berishës qarkullon ideja se “amerikanët e kanë peng Bashën”.

“Sot si duket është zhvilluar ca më tej,” – tha Bushati duke nënkuptuar deklaratat e sotme të aktivistes republikane Evi Kokalari.

“A duhet besuar Berisha që e nxjerr këtë histori tani, unë këtë gjë e shoh me dyshim, edhe idenë se Basha është kapur peng nga Yuri Kim apo Donald Lu për këtë dosje, e shoh me dyshim,” – tha Bushati.

Sipas analistit ajo që bën më tepër përshtypje është pyetja politike dhe jo faktike, se a është sjellë Basha si njeri i kapur peng nga qeveria. Ai vuri në analizë disa zotime të pambajtura si kryeopozitar të Bashës duke thënë se në tërësi nuk e ka goditur qeverinë.

Çështja e lobimit të Bashës në SHBA ka të bëjë me disa foto me ish-Presidentin Trump, apo me intervista në disa media konservatore të djathta, për të cilat pati probleme me deklarimin e burimit të financimit.

LEXONI GJITHASHTU:

• PD thotë se do padisë për shpifje aktivisten Evi Kokalari
• Sali Berisha thirrje Ramës: Mos luaj me pluralizmin se do kesh fatin e paraardhësve
• Rama për Berishën: Shqipëria s’ka më monumente të parrëzueshme të korrupsionit