Shantazhonte 1 grua me video intime, kapet në Gjermani 62-vjeçari nga Kosova (Emri)

Është arrestuar në Gjermani Fadil Ibishi. Shtetasi Kosovar ka qenë i shpallur në kërkim nga Interpol Tirana, pasi Gjykata e Durrësit i ka caktuar masën e sigurisë “Arrest në burg”, për veprat penale “Kanosja”, “Shtrëngimi me anë të kanosjes ose dhunës për dhënien e pasurisë” dhe “Ngacmimi seksual”.

Ibishi ka shantazhuar një grua me publikimin e një video intime në mënyrë që kjo e fundit ti japë atij 5000 euro. Gjithashtu dyshohet se 62-vjeçari të ketë ngacmuar seksualisht mbesën e gruas që ka shantazhuar.

Njoftimi i policisë:

Shkëmbimi i informacionit me homologët gjermanë, në kuadër të operacionit policor të koduar “Partners” çoi në lokalizimin në Gjermani, kapjen dhe arrestimin e shtetasit kosovar të shpallur në kërkim ndërkombëtar:

1. I., 62 vjeç.

Ky shtetas ishte shpallur në kërkim ndërkombëtar nga Interpol Tirana, pasi Gjykata e Durrësit, me vendimin e datës 03.02.2022, i ka caktuar masen e sigurisë “Arrest në burg”, për veprat penale “Kanosja”, “Shtrëngimi me anë të kanosjes ose dhunës për dhënien e pasurisë” dhe “Ngacmimi seksual”. Shtetasi F. I. dyshohet se ka kanosur një shtetase, për dhënien e 5000 eurove, që të mos publikonte video intime të saj. Gjithashtu, dyshohet se ka ngacmuar seksualisht mbesën e kësaj shtetaseje.

Kapja e këtij shtetasi ishte rezultat i informacionit të siguruar nga Policia shqiptare dhe i shkëmbimit të tij me homologët gjermanë.

Interpol Tirana dhe Interpol Wiesbaden po kryejnë procedurat për ekstradimin e këtij shtetasi, në Shqipëri.

LEXONI GJITHASHTU:

• Të dënuar për prodhim e shitje droge, arrestohen 2 persona në Fier (Emrat)
• Skandal/ Sigurimi tenton t’i marrë telefonin Vjosa Osmanit në aeroportin e Shkupitit