SHBA, Britania e Madhe dhe Australia flotë nëndetësesh bërthamore kundër Kinës

SHBA, Britania e Madhe dhe Australia kanë zbuluar detaje të planit të tyre për të krijuar një flotë të re nëndetësesh bërthamore, që synon të kundërshtojë ndikimin e Kinës në rajonin Indo-Paqësor.

Sipas paktit Aukus, Australia do të marrë tre nëndetëset e saj të para me energji bërthamore nga SHBA.

Aleatët do të punojnë gjithashtu për të krijuar një flotë të re duke përdorur teknologjinë më të avancuar, duke përfshirë reaktorët Rolls-Royce të prodhuar në Mbretërinë e Bashkuar.

Pekini ka kritikuar ashpër marrëveshjen e rëndësishme detare. Ministria e saj e jashtme akuzoi tre kombet se “ecin gjithnjë e më tej në rrugën e gabimit dhe rrezikut”.

Misioni i Kinës në OKB kishte akuzuar më herët aleatët perëndimorë për frenim të përpjekjeve për mospërhapje të kërcënimeve bërthamore. Por presidenti i SHBA Joe Biden tha se marrëveshja kishte për qëllim forcimin e paqes në rajon dhe theksoi se nëndetëset do të jenë “me energji bërthamore, jo të armatosura”.

Duke folur së bashku me kryeministrat e Mbretërisë së Bashkuar dhe Australisë – Rishi Sunak dhe Anthony Albanese – në San Diego të Kalifornisë, Biden tha se marrëveshja nuk do të rrezikonte angazhimin e Australisë për të qenë një vend pa armë bërthamore.

Australia bëhet i dyti pas Britanisë së Madhe që merr teknologjinë elitare bërthamore të Uashingtonit. Sipas marrëveshjes, marinarët e marinës australiane do të dërgohen në bazat e nëndetëseve të SHBA dhe Britanisë së Madhe për të mësuar se si të përdorin nëndetëset me energji bërthamore.

LEXONI GJITHASHTU:

• Pence thirrje SHBA-ve: Mos rinovoni marrëveshjen bërthamore me Iranin, është rrezik
• A keni frikë se Putin do përdorë armë bërthamore? Përgjigjet ambasadori i Ukrainës