“SHBA dhe Izraeli hodhën në erë diplomacinë”, Abbas Araghchi: Ne ishim për negociata

Ministri i Jashtëm iranian Abbas Araghchi , është shprehur në një reagim se javën e kaluar si Izraeli ashtu edhe SHBA-ja vendosën ta “hedhin në erë” diplomacinë.

Në një postim në X, ministri i Jashtëm iranian thotë se gjatë negociatave të javës së kaluar me SHBA-në, “Izraeli vendosi ta prishë atë diplomaci”.

E njëjta gjë ndodhi, thotë ai, gjatë bisedimeve me zyrtarët evropianë, por “SHBA-të vendosën ta hidhnin në erë atë diplomaci”.

“Çfarë përfundimesh do të nxirrnit?”-pyet ministri iranian teksa shton:

“Për Britaninë dhe Përfaqësuesin e Lartë të BE-së, është Irani ai që duhet të ‘kthehet’ në tryezën e bisedimeve. Por si mund të kthehet Irani në diçka që nuk e ka lënë kurrë, e lëre më ta hedhë në erë?”

LEXONI GJITHASHTU:

• Mbikëqyrësi bërthamor i OKB-së thërret takim urgjent
• Presidenti izraelit pas sulmit të SHBA në Iran: Ditët në vijim mund të jenë sfiduese