SHBA-ja akuzon ish-ambasadorin: Ka spiunuar për Kubën gjatë 40 viteve

Shtetet e Bashkuara akuzuan të hënën një ish-ambasador në Bolivi për spiunim për Kubën për më shumë se 40-vjet. Departamenti i Drejtësisë e përshkroi si një nga infiltrimet më të gjata dhe më jetëgjata të qeverisë amerikane nga një agjent i huaj.

Victor Manuel Rocha, i cili shërbeu si ambasador i ShBA-së në Bolivi nga viti 2000 deri në vitin 2002, u akuzua për kryerjen e krimeve të shumta federale, duke përfshirë veprimin si agjent i huaj i paligjshëm dhe përdorimin e një pasaporte të marrë me mashtrim, tha Departamenti i Drejtësisë në një deklaratë.

“Ne pretendojmë se për më shumë se 40 vjet, Victor Manuel Rocha shërbeu si agjent i qeverisë kubane dhe kërkoi dhe mori pozicione brenda qeverisë së Shteteve të Bashkuara që do t’i siguronin atij akses në informacione jo publike dhe aftësinë për të ndikuar në politikën e jashtme të ShBA-së. ”, tha në deklaratë Prokurori i Përgjithshëm, Merrick Garland.

Rocha, 73 vjeç, u arrestua dhe pritet të dalë para një gjykatësi federal në Miami të hënën, shkruan Reuters.

LEXONI GJITHASHTU:

• Me 2/3 e votave, republikani George Santos përjashtohet nga Kongresi i SHBA
• Blinken siguron aleatët e NATO-s se SHBA do të vazhdojë mbështetjen për Ukrainën