SHBA-ja dhe Britania godasin Jamenin, rritet frika e zgjerimit të konfliktit në Gaza

Shtetet e Bashkuara dhe Mbretëria e Bashkuar kanë kryer gjashtë sulme ajrore kundër objektivave në Jemen, raporton një stacion televiziv i drejtuar nga Houthi, pasi grupi jemenas synon goditjen e anijeve të transportit detar në Detin e Kuq.

Katër sulme kishin në shënjestër aeroportin e Hodeidah, portin kryesor në Detin e Kuq, dhe portin detar të Salif në veri të tij, tha Al Masirah TV. Dy sulme ajrore goditën gjithashtu rajonin Al-Thaëra në veri të kryeqytetit të Jemenit, Sanaa, sipas gazetës.

Nuk ka pasur akoma raportime mbi viktima, dhe ushtritë e SHBA dhe Britanisë së Madhe nuk i kanë konfirmuar sulmet. Sulmet e së premtes pasojnë sulmet e SHBA-së dhe Britanisë së Madhe në provincën Hodeidah ku 16 civilë u vranë.

Sulmet e Houthi-ve, SHBA-së dhe Britanisë së Madhe kanë ngritur frikën e një zgjerimi të konfliktit në Gaza, si dhe shqetësimet për përpjekjet për t’i dhënë fund luftës civile të Jemenit. Që nga viti 2014, Houthi-t janë duke luftuar me forcat besnike ndaj qeverisë së njohur ndërkombëtarisht, të mbështetur nga Arabia Saudite.

LEXO GJITHASHTU

• 11 zyrtarë të Kombeve të Bashkuara të arrestuar në Jemen, OKB kërkon lirimin
• Gaza| OKB: Liderët më të interesuar për pushtet sesa për t’i dhënë fund konfliktit