SHBA-ja dhe Filipinet arrijnë marrëveshje për tranzitin e refugjatëve afganë

SHBA dhe Filipinet kanë arritur një marrëveshje e cila do të lejojë “një numër të kufizuar” afganësh që të kalojnë tranzit në Filipine.

Ky grup afganësh më pas do të duhet të presin miratimin për vizat dhe zhvendosjen drejt SHBA-së, kjo sipas Departamentit të Shtetit.

Qeveria amerikane po mbështet shërbimet e nevojshme për ata afganë që janë përkohësisht në Filipine, duke përfshirë ushqimin, strehimin, sigurinë, mjekësinë dhe transportin për të përfunduar përpunimin e vizave, shtoi ai.

Departamenti tha se SHBA vlerëson historinë e saj “të gjatë dhe pozitive” të bashkëpunimit dypalësh me Filipinet dhe falënderon qeverinë filipinase për mbështetjen e aleatëve afganë të SHBA.

“Shtetet e Bashkuara dhe Filipinet kanë arritur një marrëveshje për lejimin e një numri të kufizuar shtetasish afganë që të kalojnë tranzit në Filipine për të përfunduar përpunimin e vizave për viza speciale imigruese (SIV) dhe zhvendosjen në Shtetet e Bashkuara”, thuhet në  deklaratë.

LEXONI GJITHASHTU:

• Kurti në SHBA për Konventën Kombëtare Demokratike
• SHBA-ja dhe Koreja e Jugut nisin stërvitjen ushtarake mes tensioneve të rritura