SHBA-ja shpreson të rihapë ambasadën në Kiev këtë muaj

SHBA-ja shpreson të rihapë ambasadën e saj në kryeqytetin e Ukrainës, Kiev deri në fund të muajit maj.

Kështu deklaroi Kristina Kvien në një konferencë për shtyp nga Lviv, e cila është e Ngarkuara me Punë e SHBA-së përkohësisht në Ukrainë që nga viti 2020, shkruan CNN.

“Ne shpresojmë shumë që të kthehemi në Kiev deri në fund të muajit. Ne dëgjojmë ekspertët e sigurisë dhe kur ata të na thonë se mund të kthehemi, ne do të kthehemi”, tha Kvien.

SHBA vendosi të mbyllë ambasadën në Kiev më 14 shkurt dhe zhvendosi përkohësisht një numër të vogël të personelit diplomatik në Lviv, vetëm 10 ditë përpara pushtimit rus të Ukrainës.

LEXONI GJITHASHTU

• Franca do të rikthejë ambasadën e saj në Kiev
• Mbretëria e Bashkuar rihap ambasadën në Kiev javën e ardhshme