SHBA kontrast Kinës në Azi, amerikanët stërvitje me ushtrinë filipinase

Shtetet e Bashkuara dhe Filipinet nisën të martën stërvitjen më të madhe ushtarake ndër vite, që përfshin përdorimin e municioneve reale dhe sulmin e një luftanijeje në ujërat përtej Detit të Kinës së Jugut dhe Ngushticës së Tajvanit.

Stërvitja mes dy aleatëve do të zgjasë deri më 28 prill dhe do të përfshijë mbi 17 mijë e 600 anëtarë të personelit ushtarak.

Rreth 12 mijë e 200 ushtarë amerikanë, 5 mijë e 400 trupa filipinase dhe 111 australiane po marrin pjesë në këtë stërvitje, më e madhja në tre dekada histori.

Forcat amerikano-filipinase do të fundosin një mjet lundrues 61 metra të gjatë në ujërat territoriale të kompleksit të ishujve, përmes sulmeve ajrore dhe atyre me artileri.

Stërvitja filloi një ditë pasi Kina përfundoi një stërvitje të ngjashme treditore që simuloi rrethimin e Tajvanit.

Ndërkohë, disa dhjetëra qytetarë protestuan kundër nismës. Ata dogjën flamurin amerikan dhe mbajtën parulla ku shkruhej: “Imperialistët amerikanë, terroristë”, apo “Trupat amerikane të largohen nga vendi”.

Ata besojnë se stërvitja synon të provokojë Kinën dhe të përshkallëzojë tensionet në rajon.

LEXONI GJITHASHTU:

• SHBA-ja e shpall gazetarin e WSJ-së si “të arrestuar gabimisht” në Rusi
• Gazetari nga SHBA zbulon arsyen e vizitës së Escbar në Tiranë