SHBA| Mbahen primaret në 16 shtete, Trump në avantazh

Donald Tramp fitoi primaret republikane në Dakotën e Veriut, duke zgjatur vargun e tij të fitoreve dhe duke shkuar si fitues drejt Super së Martës.

Ish-presidenti doli i pari në votimet e mbajtura në 12 shtete, duke lënë pas ish-ambasadoren amerikane në OKB, Niki Hejli.

Rezultati e fut Tramp në shtegun e fitores, i cili u ndërpre përkohësisht të dielën, nga fitorja e Hejlit në primaret e mbajtura në Uashington Di Si.

Tani, vëmendja është kthyer tek Super e Marta, kur do të shpallen rezultatet nga 16 shtete, që do të japin edhe numrin më të madh të delegatëve në një ditë të vetme.

Më herët, Gjykata Supreme në Shtetet e Bashkuara hodhi poshtë vendimin e Gjykatës së Kolorados që i ndalonte Tramp të kandidonte në zgjedhjet presidenciale për shkak të sulmit në Kepitol Hill.

Juria prej 9 anëtarësh vendosi se, pa një aksion konkret nga Kongresi, shtetet amerikane nuk mund t’i referohen të vetme masës kushtetuese që mban kandidatët larg garës.

Vendimi i Gjykatës Supreme prek gjithashtu vendimet kundër Tramp të marra nga shtetet e Mejnit dhe Illinoisit.

Tani, duket se ish-presidentin nuk e ndal asgjë për të sfiduar Xho Bajden në zgjedhjet presidenciale të nëntorit.

LEXONI GJITHASHTU:

• Primaret në SHBA| Haley arrin fitoren e parë, mposht Donald Trump në Uashington
• Trump arrin fitore të rëndësishme, i afrohet nominimit republikan për presidencialet