English

SHBA paralajmëron Korenë e Veriut: Një sulm bërthamor i jep fund regjimit të Kim

KOMENTE

SHPERNDAJE
ARTIKULLIN

Text sizeAa Aa

Uashingtoni ka paralajmëruar të shtunën Korenë e Veriut që çdo sulm bërthamor ndaj Shteteve të Bashkuara do të rezultonte me “fund të regjimit të Kimit”.

- Advertisement -

Në një deklaratë të përbashkët të Grupit Konsultues për Çështje Bërthamore SHBA-Kore e Jugut, është rikonfirmuar se çfarëdo sulmi i Phenianit ndaj Koresë së Jugut do të rezultojë me përgjigje të shpejtë dhe vendimtare.

“Shtetet e Bashkuara rikonfirmuan përkushtimin e palëkundshëm për të ofruar mbrojtje shtesë për Republikën e Koresë, përfshirë kapacitetet e plota të SHBA-së”, është thënë në një deklaratë të publikuar prej Shtëpisë së Bardhë.

Presidenti amerikan, Joe Biden, ka bërë paralajmërim të ngjashëm në prill, duke thënë se cilido sulm i Koresës së Veriut do të nënkuptojë fundin e Qeverisë së Phenianit.

Duke përdorur identitete të rreme, disa verikoreanë arrijnë të fitojnë deri në 300.000 dollarë në vit nga puna në distancë.

Deklaratë të njëjtë ka bërë edhe Sekretari amerikan i Mbrojtjes, Lloyd Austin, duke thënë se regjimi i Kimit do të marrë fund edhe nëse sulmohen aleatët e SHBA-së.

Koreja Veriore e ka shpallur veten fuqi bërthamore një vit më parë, dhe ka thënë vazhdimisht se nuk do të heqë dorë kurrë prej programit bërthamor, të cilin regjimi e sheh si thelbësor për ekzistencë.

Muajin e kaluar, Pheniani e ka nisur me sukses një satelit ushtarak spiunimi në orbitë.

Qysh atëherë, verikoreanët pretendojnë se kanë siguruar pamje prej satelitëve, të bazave të mëdha ushtarake amerikane dhe jugkoreane./REL

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Vetëvendosje del forcë e parë në Kosovë, por nuk siguron shumicën! A mendoni se Kurti do ta formojë dot qeverinë e re?