SHBA/ Policia përleshet me protestuesit pro-palestinezë në Uashington

Policia në Uashington është përleshur me protestuesit pro-palestinezë gjatë një demonstrate jashtë selisë së Komitetit Kombëtar Demokratik (DNC).

Sipas mediave të huaja, anëtarët e Kongresit u evakuuan nga ndërtesa pasi shpërtheu protesta, ndërsa policia përdori sprej piper ndaj disa prej protestuesve.

Policia e Kapitolit të SHBA tha se rreth 150 njerëz po “protestonin në mënyrë të paligjshme dhe të dhunshme” pranë ndërtesës së selisë së DNC në zonën e Capitol Hill.

“Një person është arrestuar për sulm ndaj një oficeri”, tha Policia e Kapitolit në rrjetet sociale.

Organizatorët e demonstratës – ku përfshiheshin anëtarë të If Not Now dhe Jewish Voice For Peace – hodhën poshtë pretendimet për dhunë nga protestuesit dhe akuzuan policinë për përdorim të dhunës ndaj tyre.

“Është e turpshme mënyra se si protestuesit jo të dhunshëm dhe anëtarët e komunitetit tonë u përballën me dhunë,” tha një nga organizatorët.

LEXONI GJITHASHTU:

• A do lejohen zgjedhjet serbe në Kosovë? Përgjigjja e OSBE
• “Njeriu nuk i shpëton dot identitetit…”, historia pas librit të fundit të Fevziut