“Njeriu nuk i shpëton dot identitetit…”, historia pas librit të fundit të Fevziut

Blendi Fevziu dha një intervistë për Euronews Albania nga stenda ku shitet libri i tij në Panairin e Librit.

“Takimet e mia me…” titullohet libri i cili siç thotë gazetari është një përmbledhje e personazheve më të rëndësishëm të vendit. Sipas tij çdo njeri nuk “shpëton dot” nga familja e tij dhe nga atdheu që i ka dhënë identitetin. Në këto kushte, Fevziu thotë se është e rëndësishme që secili që lexon librin e tij të mund të njohë disa nga idividët që kanë shënjuar historinë e Shqipërisë.

Gazetari tregoi për Euronews Albania se në minibiografinë e personazheve ka elementë shumë interesantë jo vetëm të karrierës, por dhe impaktit nga takimet personale të tijat me 39 figura të shquara të Shqipërisë.

“Nëse dikur do shkruaja kujtime këta njerëz, aty këtu luajnë një rol në kujtimet e mia, ka kuriozitete të mëdha midis tyre, janë personazhe shumë interesantë. Nuk ka lidhje me biografinë time, këta janë njerëz që unë i kam takuar në një moment të jetës time,” – u shpreh Fevziu.

LEXONI GJITHASHTU:

• Fevziu: Beleri i ka të gjitha të drejtat, por s’mund të jetë i veçantë se do Greqia
• Fevziu: Si lufta në Izrael hoqi vëmendjen nga Kosova në Procesin e Berlinit