“SHBA s’është kundër”- Kulla zbulon sa dinarë serb qarkullojnë në vit në Kosovë

Eksperti i Sigurisë, Ilir Kulla, është shprehur se Shtetet e Bashkuara të Amerikës nuk janë kundër vendimit të Kosovës për dinarin, por kanë thënë se vendimi duhej të ishte konsultuar.

Komentet Kulla i bëri në emisionin “Review” në Euronews Albania, ku tha se në një vit në Kosovë qarkullojnë 1 miliardë e 200 milionë euro në dinar, që do të thotë 1/20 e ekonomisë së Kosovës.

Ai tha po ashtu se në kohën e qeverisjes së kryeministrit Albin Kurti, Serbia po del gradualisht nga Kosova.

Ndërsa lidhur me moszhvillimin e paradës së FSK-së, Kulla tha se është një zgjedhje e zgjuar, që sipas tij, shmang tensionet dhe mesazhet për luftë.

“Parada e FSK-së sot, në 16 vjetorin e Pavarësisë, që nuk u bë, është një lëvizje e mençur, që duhet të jetë edhe e konsultuar me partnerët ndërkombëtarë. Sidukuet ka dashur të japë mesazhin se Kosova nuk do luftë, për të mos ndezur tensione, pra e kanë lënë ditën e sotme thjeshtë si ditë feste, pa ngarkesa të tjera.

SHBA nuk kontenstojnë vendimin për dinarin, por faktin që nuk është konsultuar qeveria. Nëse nga 2010 deri në 2020 kemi futur rifutjen e Serbisë dalngadalë në Kosovë, tani në epokën e Kurtit kemi daljen e Serbisë nga Kosova pak nga pak.

Në ekonominë e vetë, injektohen në Kosovë rreth 1 miliardë e 200 milionë euro në vit në dinar. Dmth 1/20 e ekonomisë së Kosovës. Kosova nuk po thotë që Serbia të mos ndihmojë ata, por thotë që të këmbehen në Euro, që është edhe monedha kombëtare e ndërkombëtare”, tha Kulla.

LEXONI GJITHASHTU:

• “Serbia s’i ka respektuar marrëveshjet”- Wisner: Rruga e vetme për Kosovën
• Islami: Kush është politikani shqiptar që mbështeti më shumë Luftën e Kosovës