‘SHBA-të kanë gabuar’, Putin: Rusia njeh Tajvanin si pjesë territoriale të Kinës

Presidenti i Rusisë, Vladimir Putin deklaroi se Shtetet e Bashkuara të Amerikës kanë gabuar në lidhje me marrëdhëniet me Kinën, duke i shkatërruar ato për shkak të Tajvanit.

Gjatë një fjalimi të tij në Moskë, Putin tha se Rusia e njeh Tajvanin si pjesë të Republikës Popullore të Kinës, shkruan Reuters.

Sipas tij, vizitat e zyrtarëve amerikanë, duke përfshirë kryetarin e Dhomës së Përfaqësuesve Nanci Pelosi në Tajvan ishin një provokim.

Putin mohoi të enjten se kishte ndonjë qëllim për të përdorur armë bërthamore në Ukrainë.

Por e përshkroi konfliktin atje si pjesë e përpjekjeve të supozuara të Perëndimit për të siguruar dominim global, për të cilin ai këmbënguli se janë të destinuara të dështojnë.

“Ne nuk shohim nevojë për këtë”, tha Putin. “Nuk ka asnjë kuptim në këtë, as politik, as ushtarak”, theksoi ai.

LEXONI GJITHASHTU

• Biden për deklaratën e Putin: Pse flet për armë bërthamore nëse s’do i përdorë?
• Zelensky: 30 sulme me dronë nga Rusia në dy ditë
• Putin përjashton mundësinë e përdorimit të armëve bërthamore në Ukrainë