Shefi i inteligjencës mbrojtëse të Ukrainës: Ja shkaku që dyshohet pse vdiq Navalny

Shefi i inteligjencës mbrojtëse të Ukrainës, Kyrylo Budanov thotë se është “pak a shumë e konfirmuar” se Alexei Navalny vdiq nga shkaqe natyrore, saktësisht një mpiksje gjaku.

Sipas mediave të huaja, ky shkak i vdekjes është raportuar më parë edhe nga mediat e kontrolluara nga shteti rus.

Duke folur në margjinat e forumit të vitit 2024 të së dielës në Kiev, Budanov thuhet se ishte dakord me këtë vlerësim të autoriteteve ruse.

“Unë mund t’ju zhgënjej, por ajo që dimë është se ai me të vërtetë vdiq nga një mpiksje gjaku,” tha ai, sipas transmetuesit ukrainas Hromadske.

“Dhe kjo është pak a shumë e konfirmuar. Kjo nuk është marrë nga interneti, por, për fat të keq, një [vdekje] natyrale.”

Shumë kanë fajësuar presidentin rus Vladimir Putin për vdekjen e liderit të opozitës në një burg të Arktikut, me thirrjet në rritje për një hetim të pavarur.

Gjatë një konference për shtyp më herët sot, Volodymyr Zelenskyy vazhdoi të shprehë të njëjtën gjë, duke thënë se Navalny ishte “vrarë”.

LEXONI GJITHASHTU:

• Trupi i Navalny i dorëzohet nënës së tij
• Vajza e kundërshtarit të Putin: Më shumë i trembet Navalny të vdekur se të gjallë