Shefi i OBSH: Vaksinimi ndaj poliomielitit në Gazën veriore rifillon të shtunën

Shefi i Organizatës Botërore të Shëndetësisë (OBSH) njoftoi të premten se vaksinimi ndaj poliomielitit në Gazën veriore do të rifillojë të shtunën.

“Nesër, faza e tretë (zona e fundit e fushatës së dozës së dytë) të fushatës së vaksinimit ndaj poliomielitit do të fillojë në pjesën veriore të Rripit të Gazës, pasi ajo u shty javën e kaluar për shkak të bombardimeve intensive, urdhrave për evakuim masiv dhe mungesës së aksesi ose sigurimi i pauzave humanitare”, tha Tedros Adhanom Ghebreyesus në një konferencë për shtyp të OBSH-së.

Tedros theksoi se pauza humanitare është “e nevojshme” për të kryer fushatën, por shtoi: “Zona e pauzës është zvogëluar ndjeshëm dhe tani është e kufizuar vetëm në qytetin e Gazës”.

Duke vënë në dukje se faza e fundit e fushatës synonte të arrinte rreth 119,000 fëmijë nën 10 vjeç, ai tha se “arritja e këtij objektivi tani është e pamundur, pasi kushtet në Gazën veriore përkeqësohen çdo ditë”.

Faza e parë e fushatës, e cila përfundoi më 12 shtator, përfshiu mbi gjysmë milioni fëmijë palestinezë.

Rreth 590,000 fëmijë në të gjithë Gazën supozohet të marrin dozën e dytë, sipas OBSH-së.

LEXONI GJITHASHTU:

• Raporti i OBSH: Vaksinimi parandalon 106 mijë vdekje çdo vit
• Republika e Kongos nis programin e vaksinimit kundër virusit mpox