Shefi i OKB-së takon Putinin dhe Zelenskin javën e ardhshme

Sekretari i Përgjithshëm i Kombeve të Bashkuara, Antonio Guterres do takohet me Putinin në Moskë dhe me Zelenskin në Kiev javën e ardhshme.

Guterres pritet të takohet për drekë edhe me ministrin e Jashtëm rus, Sergei Lavrov.

Në përfundim të vizitës në Moskë, do të takojë Presidentin ukrainas Volodimir Zelenski dhe ministrin e Jashtëm, Dmitro Kuleba.

“Duhen hapa urgjente për të shpëtuar jetë, për t’i dhënë fund vuajtjeve njerëzore dhe për të sjellë paqen në Ukrainë”, shprehet ai.

Next week, I will meet with President Vladimir Putin in Russia and President Volodymyr Zelenskyy in Ukraine.

We need urgent steps to save lives, end the human suffering and bring about peace in Ukraine.

— António Guterres (@antonioguterres) April 23, 2022

Shefit të OKB-së i është bërë presion kohët e fundit për të marrë një rol më aktiv në ndërmjetësimin e konfliktit.

Në letrat drejtuar të dy udhëheqësve përmes misioneve të tyre në OKB, ai bëri thirrje për diskutime të “hapave urgjente për të sjellë paqen në Ukrainë dhe të ardhmen e multilateralizmit.”

Si Rusia ashtu edhe Ukraina janë anëtare themeluese të OKB-së.