Shefi i toksikologjisë: Testi i drogës është orientues, por jo i saktë

Shefi i toksikologjisë, Andrin Tahiri thotë se testi i drogës te shoferët është orientues dhe jo përcaktues, pasi drejtues mjetesh mund të përdorin drogëra të cilat janë rekomanduar nga mjeku për mjekim nëse e kanë të nevojshme.

Në emisionin “Sot” në “Euronews Albania”, Tahiri u shpreh se metadoni është një lloj droge sintetike e cila shërben si mjekim për disa pacientë të cilët kanë plotësuar disa kritere dhe është rekomanduar nga mjeku.

Ndaj, sipas tij, testi i drogës ka gabime dhe nuk mund ta identifikojë nëse një drejtues mjeti ka përdorur lëndë narkotike për mjekim apo përdorim vetjak.

“Këtë problem kam unë. Nëse zbulohet njëri që është me mjekim të rregullt, si do të penalizohet? Ke një grup pacientësh të cilët janë përdorues të lëndës drogë herionë. Këta pacientë kur plotësojnë kriteret e varësisë përfshihen në programe që kanë mjekim mbajtës, që quhet terapi zëvendësuese me metadon. Metadoni është një drogë sintetike që ndihmon pacientët të krijojnë një lloj mirëqenie sociale. Është një mjekim që i ndihmon, si do e zgjidhim këtë poblem? E ka të nevojshme dhe është përcaktuar nga mjeku i tij. Nëse është në dozën e saktë të përcaktuar nga mjeku, mund të drejtojë automjetin”, tha toksikologu.

Tahiri nënvizoi se vetëm nivelet e metaboliteve të drogërave, alkoolit apo medikamenteve në serum në gjak, që aplikohen në bazë të procedurave profesionale janë të sakta.

LEXONI GJITHASHTU

• Testi i drogës, ish-drejtuesi i Policisë: S’pati garë për përzgjedhjen e laboratorit
• Testi i drogës për policinë, rreth 200 efektivë kryejnë analizën