Shembet ndërtesa në oborrin e shkollës, Dredha: Prishim çdo ndërtim pa leje në Vlorë

Inspektorët e Bashkisë dhe Policia Bashkiake e Vlorës kanë vijuar edhe këtë të shtunë aksionin për prishjen e ndërtimeve pa leje në këtë qytet.

Në fokusin e ndërhyrjes së sotme ishte një ndërtesë njëkatëshe, e ngritur në mënyrë të paligjshme brenda oborrit të një shkolle në periferi të qytetit.

I pranishëm gjatë aksionit ishte edhe kryetari i Bashkisë, Ermal Dredha, i cili deklaroi për Euronews Albania se të gjitha ndërtimet pa leje në territorin e bashkisë janë evidentuar dhe do të shemben një e nga një.

“Sot po shembim këtë objekt pa leje dhe më pas do të zhvendosemi në zonën e Lungomares, ku do të ndërhyjmë për një tjetër ndërtim pa leje”, u shpreh Dredha.

Aksioni do të vijojë pa ndërprerje në të gjithë qytetin, ku janë konstatuar raste të zaptimit të hapësirave publike dhe ndërtimeve abuzive.

LEXONI GJITHASHTU:

• Ermal Dredha firmos dorëheqjet e drejtuesve të bashkisë së Vlorës
• “Jam më i motivuar pas kritikave të Ramës”, Dredha: Aspak i fyer, aksioni vazhdon