Shembet tavani i manastirit gjatë dasmës në Itali, dhjetëra të plagosur

Dhjetëra persona u plagosën sot, pesë prej tyre në gjendje të rëndë, kur tavani i një ish-manastiri në Pistoia, në Italinë qendrore, u shemb gjatë një feste martese, thanë autoritetet.

Sipas mediave italiane mes të plagosurve ka edhe fëmijë.

Aksidenti ndodhi në ish-manastirin Giaccherino në periferi të Pistoia, ku tradicionalisht mbahen ceremonitë e dasmës.

Në vendngjarje kanë mbërritur të paktën shtatë autoambulanca, policia dhe zjarrfikëset, ndërsa të plagosurit janë transportuar në spitale.