Shembet ura në SHBA pasi u godit nga një anije, dyshohet për viktima

Ura Key në Baltimore, tre kilometra e gjatë, u rrëzua në ujë gjatë natës pasi një anije mallrash e goditi atë, raporton Reuters.

Një zëdhënës i Departamentit të Zjarrfikësve të qytetit të Baltimores ka konfirmuar se shembja e urës së Baltimores është një “ngjarje me shumë viktima”, raporton BBC.

“Të gjitha korsitë janë të mbyllura në të dy drejtimet për shkak të incidentit në urën I-695 Key. Trafiku është devijuar”, tha Departamenti i Transportit në Maryland në një postim në Platformën X.

Siç raportohet nga BBC, stacioni i zjarrfikësve në Baltimore njoftoi se ura u shemb në lumin Patapsco pasi një anije e goditi atë në orët e para të mëngjesit.

LEXONI GJITHASHTU:

• Sulmi terroris në Moskë/ Kulla: SHBA i paralajmëroi, FSB kërkon të shmanget
• SHBA jep dritën jeshile për ndihmën ushtarake për shtetet baltike