Shemsi Prençi tërhiqet nga gara për primaret

Kandidati i Partisë Demokratike për Primaret në bashkinë Kamëz, Shemsi Prençi ka njoftuar daljen e tij nga gara.

Përmes një postimi në faqen e vet në Facebook, Prençi shprehet se “socialistët kanë emrin në listën e miratuar nga Kryesia e PD Kamëz, ndërsa demokratëve ju shkruhet me dorë emri”, teksa ka postuar dhe një fotografi se si duket lista e shkruar me dorë.

Prençi shkruan më tej se në këto kushte është i detyruar të mos e njohë procesin dhe t’i kërkojë PDSH një proces të dytë, duke i dhënë kohë konsolidimit të infrastrukturës zgjedhore në Primaret e Partisë Demokratike.

“Në këto kushte anarkie dhe për të mos u bërë pjesë e kësaj katraure zgjedhor bëj publike: Mos njohjen e këtij procesi zgjedhor! Gjithashtu i kërkoj Partisë Demokratike të Shqipërisë përsëritjen e Procesit të Primareve, duke respektuar Statutin e PD dhe udhëzimet e saj në lidhje me Primaret i bindur se vetëm kështu do realizojmë një proces të Primareve në parti pa lista të konsoliduara dhe të shpallura 5 ditë para votimit”, shkruan Prençi.

LEXONI GJITHASHTU:

• Kandidati i vetëm për primaret në Elbasan, Boçi: Shoh bashkim në PD
• Kandidatët e PD në Belsh dhe Gramsh tërhiqen nga primaret