“Shenjtorët e rëndomtë”/ Fotografi Myftiu çel ekspozitën me fotografi në Prishtinë

“Shenjtorët e Rëndomtë”, quhet ekspozita me fotografi e hapur këtë fundjavë në Prishtinë. Publiku mund të vizitojë galerinë “Hani i 2 Robertëve” për të parë punën e fotografit Burim Myftiu.

Në galerinë Hani i 2 Robertëve në Prishtinë është hapur ekspozita e fotografit te njohur, Burim Myftiu. Kjo ekspozite u titullua ‘Shenjtorët e rendomtë’, dhe jo pa arsye.

Sipas Myftiut edhe të shenjtit, ishin njerëz si secili prej nesh, por që kishin misionet e tyre.

Se kush janë disa nga të shenjtit e rëndomtë, që realisht nuk janë edhe aq te zakonshme e që janë paraqitiur në ekspozitë, tregoi kuratori i saj, Shkelzen Maliqi.

Per autorin kjo paraqitje, sado modeste tek Hani i 2 Roberteve, ka një veçanti të madhe për të, pasi po bëhet në një vend që gjatë viteve të pushtimit, luajti rol të rëndësishëm në mbajtjen gjallë të artit kosovar.

Por, po ashtu për Myftiun kjo paraqitje është speciale ai po i tregon publikut atë që është dhe baza e punës së tij artistike, fotografia.

LEXONI GJITHASHTU: 

• “Shqipëria s’ka pretendime ndaj Greqisë”/Malaj: Mediat greke ranë në kurthin e Ramës
• Izraeli rrit trysninë ushtarake ndaj Rafahut