Sherr në Kuvendin e Kosovës, përplasje mes LDK-së dhe Vetëvendosjes për çështjen e të pagjeturve

Çështja e personave të pagjetur është shoqëruar me debate dhe përplasje fizike në Kuvendin e Kosovës.

Shefi i Grupit Parlamentar të Lidhjes Demokratike të Kosovës, Arben Gashi dhe deputetë të Lëvizjes Vetëvendosje janë parë të përplasen mes tyre, teksa opozitarët deklaruan se Qeveria e Kosovës ka dëmtuar procesin me zotimet e 4 shtatorit në Uashington, ku të zhdukurit njehsohen me të zhvendosurit.

Ndërkohë, zoti Gashi u shpreh se për personat e zhdukur ka vetëm një fajtor dhe ajo është Serbia, që ka dokumentacione dhe arkiva. Për shefin e grupit parlamentar të LDK-së, çështja po politizohet.

Kryeministri Avdullah Hoti, në një reagim pas interpelancës lidhur me këtë çështje, i vlerësoi si të papranueshme sjelljet dhe gjuhën e disa deputetëve.