Shfrytëzonin fëmijët dhe nipërit për të lypur, vihen në pranga 11 persona

11 qytetarë janë arrestuar këtë të premte në Durrës për veprën penale “Keqtrajtim i të miturit”. Policia ka bërë me dije se ata shfytëzonin për të lypur fëmijë dhe nipër të tyre, të moshave 2-13 vjeç.

“Specialistët për Hetimin e Krimeve të Komisariatit të Policisë Durrës, gjatë patrullimeve të vazhdueshme në të gjithë territorin e qarkut, me qëllim garantimin e rendit dhe sigurisë publike, kanë konstatuar se të miturit edhe në stadin foshnjor shfrytëzoheshin nga të afërmit e tyre për të lypur.

Për këtë veprimtari kriminale janë referuar materialet procedurale në Prokurori, për hetime të mëtejshme, për veprën penale “Keqtrajtimi i të miturit”, për shtetasit Xh. H., A. B., S. B., M. B., R. A., A. K., V. A., E. A., A. A., S. A. dhe R. O., pasi në 7 raste janë konstatuar në zona të ndryshme të qarkut teksa shfytëzonin për të lypur, të mitur, të afërm të tyre me mosha që varionin nga 2 vjeç deri në 13 vjeç.

Kontrollet kundër kësaj paligjshmërie, do të vijojnë”,-thuhet në njoftimin e policisë.

LEXONI GJITHASHTU:

• Ndryshime në komisariate, emrat e rinj të emëruar në Sarandë, Shkodër dhe Krujë
• Vendosën eksplozivë në garazhin e një qytetari, shpallen në kërkim autorët